Bjartsýni Íslendinga

Guðbjartur las frétt um bjartsýni Íslendinga í Times:

Óháð því hvort illa fer

áfram höldum bjartsýn;

Ísland væri eyðisker

ef við værum svartsýn.

Bjartsýna þjóðin í Atlantshafi

Forsetinn og CNN

Í frétt á CNN segir um Ólaf Ragnar Grímsson forseta vorn: "During his time in office he has overseen a transformation of the energy market in his homeland changing it from an economy mostly powered by coal and gas to one which is almost exclusively powered by renewable energy -namely hydroelectric and geothermal technologies."

Guðlaug fyllist aðdáun á forsetanum framtakssama á Bessastöðum:

Út hans spyrjast afrekin

enn var slegið metið;

fréttist brátt að forsetinn

fann upp Internetið?

Félagsþroski Íslendinga

Guðríður:

Ekki batnar ástandið

er það sem ég hafði grun um:

félagsþroskann fengum við

frá feðrum okkar víkingunum.

 

Fengu hamingjuna í arf frá víkingunum

Engin yfirborðsmennska

Guðleifur las grein Jóns Baldvins í 24 stundum, þar sem hann skrifaði um Styrmi Gunnarsson, ritstjóra Morgunblaðsins:

Við, sem höfum rifist og rökrætt við hann í meira en hálfa öld, vitum að hann er rökfastur og fylginn sér; en hann hlustar og tekur rökum. Það eina sem hann þolir ekki er yfirborðsmennska, hégómaskapur, látalæti og uppskafiningur. Það er gagnlegt að vita fyrir þá, sem vilja reyna sig við hann.

Í stuttu máli segir Jón Baldvin:

Eg við Styrmi einatt þræti

ósköp vel hann þekki;

yfirborðsmennska og látalæti

líkar honum ekki.

Útrásarvíkingar

Guðbrandur: 

Hörmungartíma á heimurinn í vændum 

horfin á peningum, mönnum og guði trú, 

Fyrr á öldum aðrar þjóðir við rændum

– útrásarvíkingar gera það sama nú.

Íslandsbylgjan gæti skollið á mörgum löndum

Davíð aktaði

Guðjón:  

Davíð á þessum drottins fagra degi aktaði,

en almennt í áliti lækkaði

af því hann vextina hækkaði.

Forsetinn sleginn

Guðmundur:

Svona hljóðar færslan fyrsta

fáni að húni dreginn

Fólkið gleðst á Fróni nyrsta

en forsetinn er sleginn.